“meri maa”

MERI MAA KI DUA KA DIYA JALTA RAHAY KHUDA KARAY

DIYAY KI ROSHNI MERAY AAS PAAS SADA RAHAY KHUDA KARAY

MAIN ABDI NEEND BHI SO LUN DIL O JAAN K SAKUN K SATH

GR MERA JO SIR USI KI GOAD MEN DHARA RAHAY KHUDA KARAY

MAIN AALA ZARF HUN NA HE KOI BHI NAIK HASTI HUN

MUJHAY NAFRAT HAY DUNYA SAY OR SHAED DUNYA KO MUJHSAY HAY

MERA WAHID JO RISHTA HAY,JO PYARA HAY,JO MUJHSAY PYAR KRTA HAY

MERA YEH PYAR USKAY DIL MAIN BASA RAHAY KHUDA KARAY

MERI ZID KO,MERI HAT’DHARMIYON KO SABR SAY SEHNA

OR PHR DANTNA BHI TO KHBHI KHANA MUJHAY DENA

KABHI PANI PILA KR PYAR SAY KEHNA K KHA BHI LO

MERI AMMI KA SAANI HO NAHI SKTA,NA HO SHAED

NA DIN AAEY KABHI ESA WO MUJHSAY KHAFA RAHAY KHUDA KARAY

ameeeeen

Advertisements

…AANKHAIN…

sahaafi akhbaar main zakhmon ki

khabrain dhoond’ta hay kyn?

qaatil qatal karnay ko

qatal gaah dhoond’ta hay kyn?

selaab daryaaon ka rukh kyn krtay hain?

andhera din main ja kr doobta hay kyn?

sabhi mosam,

sabhi lamhay,

sabhi mujrim,

sabhi mulzim,

sabhi khabrain,

sabhi qabrain,

sabhi qaatil,

sabhi maqtil,

bohat sa aansuon ka darya,

sabhi kuch hay yahan in main,

MERI ANKHAIN KOI PARH LAY…..

“mera khat”

tumhen kya men likhun ab?

k likhnay say kbhi jeena bhi aaya hay?

meri to rooh zakhmi hay

mera to jism dukhta hay

meray to khwab hen girvi

meri to saans hay saakin

mera to dil dharakna bhool jata hay kbhi aksar…

yeh wehshaten jaanan!

in lafzon k sirf likh denay say kbhi km nahi hotin

k jb tk koi saam’ay,koi saathi,koi hamdard

kisi ka kandha mayassar aa nahi jata

men sirf likhna nahi chahti tumhen…

ab khud aao

mohabbat say mujhay jeena sikha jaey…

udaasi

udaas honay say pehlay socha

hamesha main nay tmhara chehra

jo

muskuraata main jb bhi hansti

jo

bujh sa jata kabhi jo roti

tumharay narm thay jazbay itnay

k jin ki yadon ki garmiyon main

hisaar e mohabbat ki qaid c hy

main nay kabhi jo socha tmhara chehra

to udaas honay say pehlay socha…

men ab bhi unhi mosmon main ge rahi hun

main unhi raston ko naapti hun

tumhari manzil say jo juray hain

mgr ik tum ho…

najaanay kin vaadiyon main gum ho

aao k ab hamara haal daikho

udaas hona bara kathin hay…

BACHPAN KA DECEMBER

tum ab bhi nahi badlay

tmhari khaamshi ab bhi muhjay

koi “BHAAU” lagti hy

tmhari barf  si hasti

abhi bhi “BHOOT” dikhti hy

tmharay kaalay kaalay baal

“KAALI  BILLI” say lagtay hn

tmhara dhund sa chehra kisi “JAADUGARNI” say milta hy

tmharay sung to meri

siyaah hn raaten or pheekay din

main jb bhi raat ko niklun

na chand dikhta hy na taaray nikaltay hn

tm jb bhi aatay ho

udasi he laatay ho

main bachi nahin hun ab

draana chore b do na

DECEMBER AB BADAL JAO….. 🙂

TITLIYAN OR LARKIYAN

usay titliyan masalna acha lagta tha

masal kr poron per aaey rangon ko

wo pehron daikhta rehta

or phr muskuraata tha……

ham gehray dost thay dono

wo mujhsay pyar krta tha

hm aksar baagh he jatay

thandi ghaas,uskay hath

men,or hamaray pyar ki baten

meri yaden

meray dil main dafan ab kasak banti ja rahi hn

k

usay us shab kyn mn ny inkaar kr daala

per

kya krti?

men buzdil thi

men titli hun men titli thi…….

” mujhay doobna sikha do MAA! ” (selaab zadgaan k naam)

mujhay doobna sikha do maa!,

mujhay tairnaa nahi aata….,

hay yeh apna ghar to yeh baas kyn?

hay yeh moat to phr aas kyn?

hay phata phata sa libaas kyn?

hay jo din to phr yeh raat kyn?

men hun qabr men to phr saans kyn?

meri rooh men yeh yaas kyn?

jism hy dard dard  or pyaas kyn?

meri saans hy gr chal rahi to phr moat ki kesi aahaten?

men to so raha tha teri goad men

phr yeh teri goad men meri laash kyn?

meri saans hay ab atak rahi

meri jaan jesay nikal rahi

yeh selaab kyn,yeh azaab kyn?

esay kisi azaab say mujhay guzarna nahi aata

to phr doobna he sikha do maa!

jb tairna nahi aata…..

“to my valentine!”

i love red roses but they can’t heal

the wounds i got,the pain i feel……

sweets can’t add,chocolates can’t provide

the joy,the mirth,the love,the delight…..

i neither want money nor your presents

what matters is just your presence…….

so be close,be near,not just one day

but every min,whole year…………..

*COFFEE*

yun to karwi baten sun letay ho sbr say tm per,

hosla  tmhara  tb  jaanchungi  jb,

meray  ghar  per,

MERAY  JESI,

meray hath ki ,

COFFEE  peenay aao gay,

aao gay tm to,

tmharay cup main ,

saray jahan ki nafrat rakh kr,

garam jazbaat ka pani bhr kr,

or maazi ka kch sheera bhr kr,

paish karun gi,

OR

TMHARAY  QADMON  KA  RUKH  DAIKHUN  GI,

jo to phr b ruk jaao gay,

to phr meray ho jao gay,

ZINDGI  COFFEE  JASI  HY,

KARWI  HY  PER  LAAZMI  HY,

phr coffee peenay aao gay na?

phr zindgi jeenay aao gay na?….

DAR BADAR…

aey! meray MOLA!

mujhay acha nahi lgta,

kisi k ghar men yun rehna,

mujhay nindiya nahi aati,

mujhay bs khwab aatay hn,

jin men

meri ammi k aansu hn

mera bay rang hujra hy

mera bheega hua takiya

meri baji k zakhmon say bhari ik khoon ki chadar

meray MOLA!

yeh kesay khwab hn MOLA?

k jo sonay nahi detay

is duniya k

jhameelon say nikal kr

TERA HONAY NAHI DETAY

meray MOLA!

meri sun lay

meri ammi,meri baji,meray kch dost hn

inhen bs khwab na aaeyn

k jb yeh khwab aatay hn

TO PHR NINDIYA NAHI AATI…..